Па ўсёй Беларусі гараць лясы і тарфянікі, за суткі ліквідавана 87 пажараў

Па ўсёй Беларусі гараць лясы і тарфянікі, за суткі ліквідавана 87 пажараў. Наша вобласць, не стала выключэннем. Зарэгістраваныя 4 лясныя пажары на агульнай плошчы звыш 300 гектараў у Лельчыцкім, Хойніцкім і Нараўлянскім раёнах, і два невялікіх пажару травы і торфу ў Жлобінскім і Калінкавіцкім.
 Учора апоўдні паступіла паведамленне аб узгаранні сухой расліннасці на тэрыторыі Кіраўскага лясніцтва каля вёскі Красноўка Нараўлянскага раёна.
Па стане на 6 гадзін раніцы плошча пажару складала 40 гектараў. У сувязі з тым, што амаль ва ўсіх раёнах Беларусі ўсталяваўся 4-ы клас пажарнай небяспекі, Міністэрства лясной гаспадаркі прапануе ўвесці забарону на наведванне лясоў па ўсёй краіне. Сітуацыя крытычная, і жыхароў просяць з разуменнем паставіцца да ўвядзення такой меры.