Пад Мазыром пачаўся абласны этап гульні «Зарніца»

10 каманд з розных рэгіёнаў Гомельшчыны прымаюць у ёй удзел. Пераможцы прадставяць рэгіён на рэспубліканскім форуме

Каля 100 удзельнікаў сабраў намётавы лагер на тэрыторыі аздараўленчага цэнтра «Сядзельнікі». На працягу 9-і дзён агляд ладу і песні, інтэлектуальны квіз, разборка і зборка аўтамата Калашнікава, агнявы рубеж. Ваенна-патрыятычная гульня «Зарніца» праходзіць адзін раз у два гады і нязменна карыстаецца папулярнасцю сярод моладзі. Узрост удзельнікаў гульні – 13-14 гадоў. Тэма патрыятычнага выхавання мае тут далёка не апошняе значэнне.