У цэнтры Гомеля збілі жанчыну

У Гомелі на пешаходным пераходзе збілі жанчыну. Пацярпелую даставілі ў бальніцу. ДТЗ адбылося на скрыжаванні вуліц Савецкай і Жаркоўскага. Прыкладна ў 11.30 аўтамабіль Кіа Кларус наехаў на 41-гадовую жанчыну, якая ішла па пешаходным пераходзе насупраць будынка абласной філармоніі. Святлафор у момант здарэння не работаў. За рулём іншамаркі знаходзіўся 27-гадовы мужчына. Абставіны здарэння высвятляюцца.