Лепшы ў Беларусі вальшчык лесу працуе ў Калінкавіцкім раёне
10:10 | 29 сакавіка | 2024
На рахунку Міхаіла Змушко не толькі самы вялікі аб’ём нарыхтаванай у мінулым годзе драўніны, але і рэпутацыя добрасумленнага работніка
У лесе як дома. Для работніка Гарбавіцкага лясніцтва Калінкавіцкага лясгаса Міхаіла Змушко гэта сапраўды так. У галіне ён з 1997-га, апошнія 6 гадоў мужчына працуе вальшчыкам лесу. Справа сямейная. Амаль 40 гадоў лес валіў яго бацька, 16 – брат. У самога Міхаіла зараз самы высокі VI разрад, што дазваляе яму працаваць без памочнікаў.
