Гомельшчына на мяжы двух сезонаў: спякоту хутка зменіць вільготнае і ветранае надвор'е з тыповымі для восені тэмпературамі
16:40 | 9 верасня | 2026
Калі ў найбліжэйшыя суткі рэгіён яшчэ будзе знаходзіцца пад уплывам цёплага паветра з тэмпературай да +30°C, то ўжо ў пятніцу чакаецца рэзкае паніжэнне тэмпературнага фону, узмацненне ветру і вяртанне дажджоў
9 верасня ноччу і 10 верасня днём чакаецца пераменная воблачнасць. Ноч пройдзе без істотных ападкаў, слупкі тэрмометраў апусцяцца да + 13-15°C. Днём паветра прагрэецца да +25-30°C. У дзённы час на большай частцы тэрыторыі пройдуць кароткачасовыя дажджы, месцамі з навальніцамі. Ноччу і раніцай месцамі магчымы слабы туман, што пагоршыць бачнасць на дарогах. А затым чакаецца даволі рэзкае пахаладанне. Тэмпературны фон захаваецца ў межах + 7-12 ° C ноччу, + 14-19°C днём.
