Гомельская "Энергія" с перамог пачала серыю за бронзу чэмпіянату Беларусі па валейболе
12:34 | 9 красавіка | 2019
У кроку ад медалёў. Гомельская "Энергія" двума хатнімі перамогамі пачала серыю за бронзу чэмпіянату Беларусі па валейболе сярод мужчынскіх каманд. Вікторыі на хатнім паркеце «энергетыкам» даліся няпроста. Абедзве гульні праходзілі па падобным сцэнары. Выйграваючы першую партыю, далей гаспадары паркета нязменна аказваліся ў ролі даганяючых. Віцебская дружына пакідала за сабой два сэта. Гамельчукі бралі 4-ю партыю і на тай-бреке афармлялі перамогу. Трэці матч серыі за бронзу пройдзе 13 красавіка ў Віцебску. У фінале сталічны «Будаўнік» і салігорскі «Шахцёр» абмяняліся перамогамі.