Горлаў наведаў Гомельскі домабудаўнічы камбінат

Памочнік Прэзідэнта - інспектар па Гомельскай вобласці азнаёміўся з працэсам стварэння дамоў, а таксама сустрэўся з калектывам

Жылыя дамы любой складанасці ў Беларусі і Расіі, унікальны праект у краіне па будаўніцтве 24-павярхоўкі, прамысловыя аб'екты выходзяць з цэхаў ГДСК. 80% жылля абласнога цэнтра - гэта іх рук справа.

А каб з поспехам канкурыраваць на рынку, гомельскія будаўнікі ўлічваюць апошнія тэндэнцыі дызайну. За бягучыя паўгода Гомельскім домабудаўнічым камбінатам пабудавана амаль 53 000 квадратных метраў сучаснага жылля. Але найбольш гамяльчане чакаюць першы ў абласным цэнтры хмарачос.