Новы памятны знак ахвярам генацыду беларускага народа ўсталявалі ў Гомелі
08:37 | 21 чэрвеня | 2024
Наш абласны цэнтр стаў першым у Беларусі, дзе з'явіўся падобны помнік
Яго аўтар – віцебскі скульптар Іван Казак. Рукі, якія цягнуцца з-пад зямлі – выява, навеяная рэальнай гісторыяй. Аднойчы на Віцебшчыне ён гутарыў са старой жанчынай, якая стала сведкай таго, як немцы закопвалі людзей жывымі. Яна ўспамінала, што іх рукі цягнуліся з ямы на волю. Праект рэалізавалі на Мінскім скульптурным камбінаце. Вышыня кампазіцыі каля трох метраў, вага – 2 тоны 800 кілаграмаў.
