Рэгіянальны злёт членаў добраахвотных дружын пагранічнікаў прайшоў у Гомелі
00:00 | 26 лютага | 2026
У аблцэнтры сабраліся дружыннікі з Хойніцкага, Брагінскага, Лоеўскага, Гомельскага і Добрушскага раёнаў. Мэта штогадовага злёту - абмен вопытам і павышэнне ўзроўню кампетэнцый
Добраахвотныя дружыны пагранічнікаў – аб'яднанні грамадзян, якія дапамагаюць пагранічнай службе. Членам дружыны могуць стаць мясцовыя жыхары, здольныя па сваіх дзелавых і маральных якасцях выконваць задачы па ахове правапарадку. Яны ўдзельнічаюць у патруляванні, выяўленні парушальнікаў, праверцы дакументаў і тлумачальнай працы. Свае дзеянні каардынуюць як з падраздзяленнямі памежнай службы, так і з мясцовымі ўладамі.
