Вопыт Гомельшчыны па вырошчванні цюльпанаў будуць выкарыстоўваць усе лясгасы Беларусі
11:22 | 11 кастрычніка | 2024
Рашэнне прынялі падчас выязнога паседжання калегіі Мінлясгаса. Тэхналогію вывучылі на базе Гомельскага доследнага лясгаса
Гадавальнік ведамства - адзін з лепшых у краіне. Тут вырошчваюць не толькі пасадачны матэрыял для патрэб лесааднаўлення і дэкаратыўны пасадачны матэрыял, але і кветкі. За 9 месяцаў гэтага года ў гадавальніку вырасцілі ўжо больш як 35 000 штук дэкаратыўнага пасадачнага матэрыялу і зарабілі на гэтым звыш Br31 тыс. Аднак менавіта вырошчванне цюльпанаў можа прынесці дадатковы прыбытак у міжсезонны час. У Гомельскім лясгасе гэтым займаюцца трэці год. Толькі сёлета выгадавалі і рэалізавалі звыш 21 500 цюльпанаў.
