Возера Чырвонае

Мясцовае насельніцтва зможа бесперашкодна наведваць возера Чырвонае ў Жыткавіцкім раёне. А цэны для аматараў палявання і рыбнай лоўлі ўсталююць мінімальныя. Тэму актуальную для апошніх месяцаў, перадачу возера Чырвонае нацыянальнаму парку «Прыпяцкі», абмеркавалі ў аграгарадку Ляскавічы. На сустрэчы з прадстаўнікамі Адміністрацыі Прэзідэнта, а таксама органаў мясцовай улады прысутнічалі грамадскія актывісты і паляўнічыя. Дыялог паміж суразмоўцамі атрымаўся, акцэнты растаўлены і ёсць усе падставы меркаваць, што ў гэтай гісторыі будзе пастаўлена кропка.