105 гадоў з дня нараджэння народнага пісьменніка Беларусі Івана Шамякіна адзначаюць 30 студзеня
00:00 | 30 студзеня | 2026
Аднаму з найвялікшых празаікаў 20 стагоддзя ўдалося з мастацкай выразнасцю і глыбінёй адлюстраваць лёс звычайнага чалавека на фоне драматычных гістарычных падзей.
У памятны дзень у ГДУ ім. Францыска Скарыны сабраліся тыя, хто захоўвае і шануе творчую спадчыну знакамітага выпускніка ўстановы. За 60 гадоў яго творчага шляху выйшлі ў свет 12 раманаў, 26 апавяданняў, а таксама п'есы, апавяданні і артыкулы. Усяго - 130 кніг агульным тыражом звыш 25 млн. Найбольш вядомыя раманы "Сэрца на далоні", "Снежныя зімы", "Вазьму твой боль", пенталогія "Трывожнае шчасце". Яго кнігі перакладзены больш чым на 30 моў.
