14 студзеня 1944 года нямецкія фашысцкія захопнікі знішчылі больш за 1700 жыхароў вёскі Ала

Раніцай 14 студзеня 1944 года вёску з усіх бакоў атачыў нямецкі карны атрад. Пад стрэлы і брэх сабак мірных жыхароў заганялі ў дамы і падпальвалі. Старых і дзяцей жывымі кідалі ў агонь, а тых, каму ўдавалася выбрацца з полымя, забівалі на месцы.

Мемарыял у Светлагорскім раёне расказвае пра трагедыю Алы, якая падзяліла трагічны лёс сотняў беларускіх вёсак, знішчаных ворагам. У Дзень памяці і на працягу ўсяго года сюды прыходзяць людзі, каб аддаць даніну павагі загінуўшым землякам.