Гомель прыме міжнародны турнір «Кіокушын - дружба без межаў!»
10:08 | 17 красавіка | 2019
За перамогу будуць змагацца спартсмены ад 6 да 13 гадоў з Беларусі, Расіі і Украіны.
Гомель прыме адкрыты міжнародны турнір «Кіокушын - дружба без межаў!». З 19 па 21 красавіка на пляцоўцы Палаца гульнявых відаў спорту збяруцца лепшыя каратысты. За перамогу будуць змагацца спартсмены ад 6 да 13 гадоў з Беларусі, Расіі і Украіны. Усяго на турнір прыедзе больш за 250 каратыстаў. Змагацца за медаль вышэйшай пробы яны будуць у раздзелах кумітэ і ката. Дарэчы, у гэты ж час у нашым абласным цэнтры пройдзе чэмпіянат Беларускай асацыяцыі кёкусінкай каратэ па тамешывары сярод мужчын.