Спаборніцтвы па конным спорце сярод юнакоў і дзяўчат праходзяць у Гомелі
00:00 | 27 сакавіка | 2025
У іх прымаюць удзел каманды з Віцебскай, Гомельскай, Мінскай і Магілёўскай абласцей
Гісторыя выездкі налічвае больш за дзве тысячы гадоў, першыя яе элементы выкарыстоўваліся яшчэ ў Старажытнай Грэцыі. Першапачаткова яна не лічылася відам спорту і выкарыстоўвалася выключна ў ваенных мэтах. Дзякуючы штодзённым трэніроўкам коней навучалі выкананню складаных элементаў. Сёння конным спортам займаюцца як прафесіяналы, так і аматары. Сутнасць – паказаць усю прыгажосць, грацыю жывёлы і ўменне вершніка кіраваць ёй.
