Тэму меліярацыі ў рэгіёне абмеркавалі на пасяджэнні калегіі камітэта па сельскай гаспадарцы і харчаванні Гомельскага аблвыканкама

На меліярацыйныя работы штогод выдзяляюцца значныя сродкі. Аднак у шэрагу раёнаў выяўлены праблемныя пытанні. У асноўным недахопы звязаны з тым, што работы ў гаспадарках праводзяцца са спазненнем.

Першы намеснік старшыні Гомельскага аблвыканкама Дзмітрый Петражыцкі падкрэсліў, што кіраўнікам сельгаспрадпрыемстваў неабходна кардынальна змяніць свае адносіны да меліярацыі зямель і з большай адказнасцю падысці да гэтых работ.