У Гомелі адбылася прэм'ера фільма «Федзя. Народны футбаліст»

Сюжэт фільма заснаваны на рэальных падзеях жыцця знакамітага футбаліста Фёдара Чаранкова. Дзеянні ў карціне адбываюцца ў 1960-1980 гадах. Народны любімчык перажывае не найлепшы перыяд у сваім жыцці. Адзінае, што ўтрымлівае яго ад роспачы - мара згуляць на чэмпіянаце свету. Аднак у апошні момант галоўны трэнер зборнай выключае яго з каманды. Фёдар сур'ёзна задумваецца аб завяршэнні кар'еры, але дзеля сваёй сям'і і балельшчыкаў ён вяртаецца, каб зноў стаць лепшым. Галоўную ролю ў фільме адыграў акцёр Станіслаў Румянцаў.