У сярэдзіне студзеня ДАІ будзе ўзмоцнена сачыць за бяспекай веласіпедыстаў і пешаходаў
00:00 | 16 студзеня | 2025
З 15 студзеня на Гомельшчыне ведамства праводзіць прафілактычную акцыю «Захавай сабе жыццё!»
За 2024 год на тэрыторыі вобласці зарэгістравана 133 дарожна-транспартных здарэнні, звязаных з наездамі на пешаходаў, дзе 30 чалавек загінулі і 113 – атрымалі траўмы рознай ступені цяжкасці. З удзелам веласіпедыстаў зарэгістравана 58 здарэнняў, у якіх сямёра загінулых і 52 чалавекі траўмаваныя. У асноўным ДТЗ здзяйсняюцца ў цёмны час сутак. Прычым большасць пацярпелых пешаходаў не былі пазначаныя святлоадбівальнымі элементамі. У сувязі з чым службы прымаюць прафілактычныя меры.
