Выстава незвычайных фатаграфій «Рыс і вобразы В'етнама» адкрылася ў Гомелі
11:26 | 4 кастрычніка | 2024
Экспазіцыя складаецца з 75 работ члена Беларускага грамадскага аб'яднання фатографаў і Саюза фотамастакоў Расіі Сяргея Міхалюка
Выставачны праект стаў вынікам падарожжаў аўтара ў самабытную азіяцкую краіну - В'етнам. У фотаэкспедыцыях Сяргей Міхалюк не толькі пазнаёміўся з ладам жыцця і традыцыямі жыхароў мясцовых вёсак, але і сабраў вялікі фотаматэрыял. У цэнтры ўвагі праекта - тэхналогія вырошчвання рысу. Гэтая культура з'яўляецца асноўным прадуктам харчавання для значнай часткі насельніцтва Зямлі і прадуктам нумар адзін у Азіі. Спрадвечная прырода, пачуцці і эмоцыі людзей - гэта асноўная тэматыка фотапраекта.
