«Я жыву на Верталётнай пляцоўцы... Вада зайшла пад плот і стаіць пад домам, у падвале... на вуліцы пахне балотам, жывуць жабы». Крупко разбіраўся з праблемамі рэчычан
10:07 | 24 чэрвеня | 2024
Губернатар з рабочым візітам наведаў Рэчыцкі раён
На парадку дня – прамая тэлефонная лінія і прыём грамадзян. Асноўныя пытанні, якія турбавалі тых, хто звярнуўся – стан дарог і падтапленне дамоў і вуліц. Так, адразу некалькі жыхароў райцэнтра паднялі пытанне адводу вады ў мікрараёне індывідуальнай забудовы «Верталётная пляцоўка». Як растлумачылі на прыёме, забудова зробленая даўно, і ліўневая каналізацыя ў праект на той момант не ўваходзіла. Мікрараён знаходзіцца ў нізіне, таму тут высокі ўзровень грунтавых вод.
