Больш за 70 гадоў у прафесіі. Гамяльчанцы Тамары Рашчэне ўручылі ганаровы знак Беларускага саюза журналістаў

Увесь яе прафесійны шлях звязаны з Гомельскай вобласцю. З 60-х гадоў яе рэпартажы трансляваліся па рэгіянальным тэлебачанні, на рэспубліканскіх каналах і ва ўсесаюзнай праграме. У пачатку 80-х Тамара Рашчэня выкладала журналістыку на факультэце грамадскіх прафесій Гомельскага філіяла Беларускага політэхнічнага інстытута. Яна выхавала не адно пакаленьне журналістаў. Пасля выхаду на пенсію навучала асновам журналістыкі вучняў журналісцкіх класаў Гомельскай школы №62. Ганаровы знак і букет кветак Тамары Ігнатаўне ўручылі дырэктар Тэлерадыёкампаніі "Гомель" Аляксандр Дабрыян і галоўны рэдактар ​​"Гомельскай праўды" Сяргей Бяспалы.