На Гомельшчыне абмеркавалі падрыхтоўку да правядзення Дня Незалежнасці і 80-годдзя вызвалення Беларусі
12:23 | 14 чэрвеня | 2024
У дзень усенароднай памяці ахвяр Вялікай Айчыннай вайны і генацыду беларускага народа, 22 чэрвеня, сотні жыхароў рэгіёна збяруцца ў 4 гадзіны раніцы на традыцыйнай маладзёжнай акцыі «Ніхто не забыты, нішто не забыта»
Далей на плошчы Труда абласнога цэнтра пройдзе мітынг-рэквіем, удзельнікі якога далучацца да Усебеларускай хвіліны маўчання. Памятны дзень працягнецца адкрыццём абноўленага музея мемарыяльнага комплексу «Ала» ў Светлагорскім раёне. Гасцей таксама чакае вячэрні канцэрт-рэквіем з удзелам гомельскіх гарадскіх аркестраў. Плануецца, што ў мерапрыемстве прыме ўдзел не менш за тысячу чалавек.
