На Гомельшчыне працуюць гарачыя лініі па аказанні сацыяльнай дапамогі ў пытаннях, звязаных з непагаддзю

У першыя суткі на гарачую лінію паступіла каля 30 заявак. Пажылыя людзі, грамадзяне, якія жывуць адзінока, і людзі з абмежаванымі магчымасцямі звяртаюцца з просьбамі расчысціць двары ад снегу, даставіць прадукты, падказаць нумары аператыўных службаў. Да дапамогі прыцягваюць валанцёраў, студэнтаў і грамадскія арганізацыі.

Нумары тэлефонаў у Гомелі і раённых цэнтрах можна даведацца на сайце камітэта па працы, занятасці і сацыяльнай абароне Гомельскага аблвыканкама: ktzsz-gomel.gov.by.