Наступствы стыхіі працягваюць ліквідаваць на Гомельшчыне. Паглядзелі, як прыбіраюцца ў Жлобінскім раёне

Шквальны вецер паваліў сотні дрэў, стварыўшы пагрозу для экасістэмы і ўскладніўшы доступ да некаторых участкаў лесу. Адразу пасля ўрагану супрацоўнікі Жлобінскага лясгаса пачалі ліквідацыю наступстваў стыхіі. Асноўныя намаганні былі накіраваны на расчыстку лясных дарог і сцежак, каб забяспечыць доступ да пацярпелых участкаў і прадухіліць магчымыя пажары. У работах задзейнічаны ўсе даступныя рэсурсы.