Рэчыцкі раён першы на Гомельшчыне спрасціў рэгістрацыю хатніх жывёл

Працэдура вельмі простая: гаспадару гадаванца неабходна звярнуцца ў службу "Адно акно" або ЖЭУ з заявай і дакументам, які сведчыць асобу. Уладальніку жывёлы выдаецца сертыфікат і жэтон з нумарам, які неабходна прымацаваць да ашыйніка. Інфармацыя аб рэгістрацыі перадаецца ў разліковыя цэнтры, а падатак выплачваецца штоквартальна.

Нажаль, не ўсе сабакі жывуць у цяпле і клопаце. На вуліцы сустракаюцца і тыя, хто пазбаўлены дома і адказных гаспадароў. Некаторыя з іх праяўляюць агрэсію і нават збіваюцца ў зграі. Для забеспячэння бяспекі жыхароў ёсць рашэнне: адлоў. Калі сабака зарэгістраваны, у кароткія тэрміны ён вяртаецца дадому да ўладальніка

Сабакі цалкам залежаць ад чалавека. Іх дабрабыт патрабуе адказнасці, клопату і захаванні закону. Мы ў адказе за тых, каго прыручылі.