У Гомелі абвешчаны конкурс чытальнікаў, прысвечаны Дню Перамогі ў Вялікай Айчыннай вайне

Зараз пачынаецца прыём заявак. Конкурс «Яны прайшлі па той вайне» будзе праходзіць у двух намінацыях – ва ўзросце ад 14-ці да 18-ці гадоў і звыш 18-ці. На першым этапе пераможцаў будуць вызначаць у філіялах сеткі публічных бібліятэк Гомеля. Для аб'ектыўнай ацэнкі у склад журы ўключаць незалежных экспертаў з ліку пісьменнікаў і выкладчыкаў навучальных устаноў.

Па словах работнікаў бібліятэк, зараз адзначаецца павышэнне інтарэсу да ваеннай тэматыкі, у тым ліку сярод навучэнцаў. Прычым папулярнасцю карыстаюцца не толькі творы, уключаныя ў школьныя праграмы.