У Калінкавічах заканчваюць рэканструкцыю Дома дзіцячай творчасці ў будынку пашпартнага стала
00:00 | 12 снежня | 2024
На аб'екце будаўнікі прыступілі да работ у ліпені 2024-га. За гэты час уцеплены фасад, заменены дах, вокны і дзверы, сістэмы ацяплення, водазабеспячэння і каналізацыі
У будынку з'явілася сістэма дымавыдалення, вентыляцыі, пажарнай сігналізацыі, створана безбар'ернае асяроддзе. Добраўпарадкавана і прылеглая тэрыторыя, устаноўлены спартыўная і дзіцячая пляцоўкі. Унутранае ўладкаванне таксама абнавілася: закуплена сучасныя абсталяванне і мэбля. Штодня на аб'екце працуюць каля ста чалавек, усе матэрыялы - беларускай вытворчасці.
