Выстава, прысвечаная футболу, адкрылася ў Гомелі

У аснове экспазіцыі – калекцыі гамяльчан Віктара Марозава і Аляксандра Лаўрыненкі, а таксама ўзнагароды футбольнага клуба «Гомель»

У футбольным летапісе краіны Гомель займае асаблівае месца. Менавіта тут 31 ліпеня 1910 года адбыўся першы на тэрыторыі сучаснай Беларусі футбольны матч паміж камандамі гамяльчан і чонкаўцаў. Тады перамогу ў ім з лікам 2:0 атрымалі гараджане. Матэрыялы выставы знаёмяць і з самай вялікай перамогай беларускага футбола. У 1982-м каманда "Дынама" (Мінск) стала чэмпіёнам СССР. Многія з айчынных майстроў і трэнераў прадстаўлялі СССР на чэмпіянатах свету, Еўропы і Алімпійскіх гульнях. Што да менавіта гомельскай каманды, то яна чэмпіён краіны 2003 года, трохразовы ўладальнік Кубка Беларусі і Суперкубка рэспублікі. Акрамя таго, нашы землякі ўваходзілі ў склад федэрацыі футбола краіны і былі сведкамі значных падзей у спартыўным жыцці.