Якасць уборкі снега ў райцэнтрах праверылі на Гомельшчыне

Сітуацыю ў буйных гарадах рэгіёну вывучылі спецыялісты абласнога камітэта прыродных рэсурсаў і аховы навакольнага асяроддзя і Галоўнага кантрольна-аналітычнага ўпраўлення аблвыканкама

Вядучая роля ў гэтай справе належыць камунальным і дарожным службам. Каб ім дапамагчы, вуліцы і тэрыторыі агульнага карыстання замацавалі за прадпрыемствамі. Але не ўсе з гэтым абавязкам справіліся. Падчас абследаванняў выяўлены ўчасткі, на якіх не забяспечана належная ачыстка праезнай часткі і тратуараў і апрацоўка супрацьгалалёднымі матэрыяламі. У Гомелі гэта, у прыватнасці, тэрыторыі па вуліцах Барыкіна і Яфрэмава, пуцеправоды па Савецкай і Малайчука.