Адзіны дзень інфармавання да Дня народнага адзінства адбыўся на Гомельшчыне

Памочнік Прэзідэнта - інспектар па Гомельскай вобласці Юрый Валеваты наведаў Рэчыцкі метызны завод. На сустрэчы з працоўным калектывам гаварылі аб адзінстве, якое не ўзнікае само па сабе. Яго падтрымліваюць памяць, павага да сваёй гісторыі, агульныя каштоўнасці і штодзённая праца людзей. Маладыя супрацоўнікі задавалі пытанні аб тым, як далей будзе развівацца іх горад, як яго добраўпарадкаваць, магчыма адкрыць у Рэчыцы філіял універсітэта.

Тым часам з выкладчыцкім калектывам і студэнтамі Гомельскага дзяржаўнага ўніверсітэта імя Францыска Скарыны сустрэлася член Савета Рэспублікі Нацыянальнага сходу Наталля Паўлючэнка. У фармаце адкрытай размовы ўдзельнікі абмеркавалі захаванне нацыянальнай ідэнтычнасці і ролю маладой змены ў развіцці незалежнай дзяржавы.

Захаванне гістарычнай праўды, вернасць традыцыям і жаданне жыць у міры на роднай зямлі – гэта тое, што сёння аб'ядноўвае мільёны беларусаў.