Айцішнікі ў беларускай глыбінцы ў Добрушскім раёне адраджаюць легендарную пароду коней
00:00 | 5 студзеня | 2026
Наталля Каранчук захаплялася верхавой яздой, займалася на наравістых спартыўных жарабцах. А аднойчы ёй трапіўся зусім іншы конь: рахманая і паслухмяная прадстаўніца беларускай запражнай пароды
Добры нораў жывёлы пакарыў дзяўчыну, але аказалася, што парода на мяжы знікнення. Дзеля аднаўлення папуляцыі Наталля адмовілася ад кар'еры і фактычна перабралася ў вёску Добрушскага раёна, дзе стварыла сялянска-фермерскую гаспадарку. Пакуль аб заробку гаворкі не ідзе, яе справа трымаецца на чыстым альтруізме, адданасці каням і велізарнай падтрымцы мужа і дачок.
