На Гомельшчыне праходзяць мерапрыемствы да Дня абароны дзяцей

Школьныя канікулы яшчэ не пачаліся, але настрой у дзяцей прыўзняты! Сапраўдныя цуды хіміі і фізікі пасля ўрокаў, займальныя майстар-класы, боды-арт, фотасесіі з роставымі лялькамі і тэатральнае прадстаўленне

У рамках рэспубліканскай дабрачыннай акцыі "Дзень абароны дзяцей з БРСМ" па ўсёй вобласці запланавана больш за 40 дабрачынных мерапрыемстваў. Незабыўнае свята з мноствам інтэрактыўных праграм убачаць таксама дзеці-сіроты, тыя, хто апынуўся ў складанай сацыяльнай сітуацыі, і дзеці са шматдзетных сем'яў.

Асноўная задача дабрачыннага праекта - адрасная дапамога дзіцячым установам, а таксама захаванне традыцый дабрачыннасці і валанцёрства.