У Гомелі адкрылі новы праект з унікальнымі звесткамі пра здраднікаў Радзімы
09:52 | 21 чэрвеня | 2024
Калабаранты доўгі час заставаліся ў цені. Зараз гістарычная інфармацыя стала даступная грамадскасці
Два гады таму пачалося плённае супрацоўніцтва пракуратуры Гомельскай вобласці з установамі культуры ў сферы захавання гістарычнай памяці аб падзеях Вялікай Айчыннай вайны. Вынікі работ – праекты аб перыядзе нацысцкай акупацыі на тэрыторыі Гомельшчыны. У іх асноўная ўвага надавалася ахвярам. Цяпер важна паказаць, хто здзяйсняў злачынствы. Трэба не дапусціць рэабілітацыі нацысцкіх злачынцаў і гераізацыі іх памагатых.
