У Гомелі праходзіць навуковая канферэнцыя па комплекснай абароне інфармацыі

Больш за 110 удзельнікаў аб'яднала 28-я навукова-практычная канферэнцыя "Комплексная абарона інфармацыі", якая праходзіць у Гомелі 23-25 мая, паведамляе БЕЛТА. У працы канферэнцыі прымаюць удзел дэпутаты - члены Камісіі Парламенцкага сходу па бяспецы і абароне, навукоўцы, высокакваліфікаваныя спецыялісты, прадстаўнікі вядучых арганізацый, якія працуюць у галіне абароны інфармацыі. На форуме размова пойдзе аб афіцыйнай палітыцы дзвюх дзяржаў у сферы інфармацыйнай бяспекі. Удзельнікі абмяняюцца вопытам па тэхналогіях і рашэннях у гэтай сферы. Дзяржаўным заказчыкам канферэнцыі выступае Пастаянны Камітэт Саюзнай дзяржавы. Яна праводзіцца па чарзе ў Беларусі і Расіі.