У Гомелі правялі акцыю "За здаровае пакаленне"
12:43 | 19 снежня | 2019
«За здаровае пакаленне». У Гомелі правялі дабрачынную акцыю для асаблівых дзяцей, якія маюць парушэнні апорна-рухальнага апарата. Ініцыятыву другі год запар рэалізуюць абласная арганізацыя рэспубліканскага грамадскага аб“яднання «Белая Русь» і гомельскі медыцынскі цэнтр. Сёлета гэты саюз пашырыўся і да акцыі далучылася яшчэ некалькі спонсараў. Так што прахаджэнне медыцынскага абследавання пераўтварылася ў сапраўднае свята з усмешкамі, гульнямі і падарункамі.
