Вучэбна-метадычны збор маладых следчых Гомельшчыны праходзіць у Жлобінскім раёне

Разам з дзеючымі следчымі на зборы прыехалі і студэнты, якія навучаюцца па мэтавым накіраванні. Будучыя кадры ведамства змаглі знутры ўбачыць спецыфіку абранай прафесіі.

Праграма навучання пабудавана на вырашэнні канкрэтных практычных задач. Для гэтага разгарнулі некалькі змадэляваных сектараў: ад ДТЗ і вытворчых траўмаў да незаконнай рыбалкі і выяўлення загінулых з прыкметамі гвалтоўнай смерці.

Інтэнсіўны чатырохдзённы курс завершыцца падвядзеннем вынікаў і ўзнагароджаннем лепшых маладых супрацоўнікаў рэгіёна.