Аднаго злавілі, на другога абвясцілі "План перахоп!" і нават узнагароду. На Гомельшчыне шукаюць дзікабраза Сцёпу, які ўцёк
00:00 | 27 студзеня | 2026
Заводчыкі экзотыкі заўважылі, што дзікабразы ўцякаюць, як правіла, у кастрычніку-лістападзе, калі ў іх шлюбны сезон. Рэчыцкая пара памылкова аказалася аднаполай. Мусіць таму Гоша і Сцёпа адправіліся на пошукі нявест
Гоша ў прасторным вальеры пакуль у адзіноце. Яго сябар усё яшчэ шукае сваё шчасце ў лясах і вёсках. Не спыняюць паўднёвага госця ні снег, ні маразы. Але знайсці пару дзікабраза на беларускіх прасторах – місія невыканальная.
