Будзе прыгожа і весела! Гомель рыхтуе навінкі да навагодніх свят

На цэнтральнай плошчы ўсталявалі карусель, уздоўж вуліцы Савецкай "выраслі" залатыя дрэвы, а сквер імя Грамыкі ўпрыгожылі гіганцкія лілеі

Каля Лядовага палаца спартыўную тэматыку падкрэсліваюць гіганцкія канькі. Цяпер тут ідзе ўстаноўка катка, плошчай каля тысячы квадратных метраў, са спецыяльным палімерным пакрыццём. Хутка тут з'явіцца горка для катання на цюбінгах: яе даўжыня складзе 43 метры, а вышыня - каля 7 метраў. Атракцыён зможа працаваць нават у цёплае надвор'е, а галоўнае - у адрозненне ад сапраўдных снежных горак, гэты варыянт больш бяспечны.

Мантаж новай зоны забаў зойме ўсяго некалькі дзён, і вельмі хутка жыхары Гомеля змогуць ацаніць зімовую навінку.