Не пратрымаўся і тыдня: прэзідэнт Перу падаў у адстаўку

Часовы прэзідэнт Перу абвясціў аб адстаўцы. На сваёй пасадзе палітык прабыў менш за тыдзень. Прычынай сыходу сталі масавыя пратэсты. Дарэчы, праваахоўнікі ўжывалі вадамёты, слёзатачывы газ, светлашумавыя гранаты і гумовыя кулі. Пры апошнім разгоне больш за сотню чалавек пацярпелі, двое загінулі.

Літаральна тыдзень таму апазіцыя прэзідэнта Марціна Віскарра абвінаваціла яго ў карупцыі і арганізавала імпічмент. Зараз сітуацыю ў краіне інакш як палітычны крызіс назваць нельга. Цяпер Перу чакае новага прэзідэнта, якога прызначыць парламент - трэцяга за апошнія сем дзён.