Пад Гомелем з'явіўся яшчэ адзін мурал Героя Савецкага Саюза Івана Зайцава
10:27 | 3 чэрвеня | 2024
Мясцовы ўраджэнец, 18-гадовы сяржант Чырвонай Арміі загінуў, калі да канца Вялікай Айчыннай заставалася ўсяго некалькі дзён
Іван Зайцаў нарадзіўся ў доме № 93 на вуліцы, якая з 60-х гадоў мінулага стагоддзя носіць яго імя. Бацька будучага героя працаваў у мясцовым калгасе і памёр яшчэ да вайны. Маці пражывала тут да 1981-га. У Чырвоную Армію Іван трапіў у 17-гадовым узросце пасля вызвалення Гомеля. Спачатку прайшоў курсы малодшых камандзіраў, потым трапіў на фронт.
