Перспектывы развіцця сумеснага прадпрыемства з Гомельскай вобласцю абмеркавалі ў Бранску

Брансксельмаш - адзін з самых паспяховых праектаў інтэграцыі Беларусі і Расіі. Тэхніка карыстаецца попытам не толькі на ўнутраным рынку, але і добра вядома ў многіх краінах свету. У планах - максімальна развіваць Бранскую пляцоўку. Ужо рэалізавана некалькі буйных вытворчых праектаў. У жніўні мінулага года Брансксельмаш увёў у эксплуатацыю новы фарбавальна-сушыльны комплекс, які дазволіў павялічыць прапускную здольнасць участку афарбоўкі дэталяў і знізіць працаёмкасць. Інвестыцыі склалі каля 350 млн рублёў. Таксама асвоены выпуск высокапрадукцыйнага самаходнага кормаўборачнага камбайна.