Успышка газу выбіла дзверы і пашкодзіла сцяну ў панэльным доме ў Светлагорску
00:00 | 28 студзеня | 2026
Мужчына меў намер заправіць запальнічку на кухні, дзе ў той момант на пліце рыхтаваўся абед
Ратавальнікі, якія прыбылі па выкліку, знайшлі ў кватэры гаспадара 1961 года нараджэння. Яго даставілі ў шпіталь з 15% апёкаў. Як аказалася пры праверцы, газавае абсталяванне ў кватэры спраўнае. Успышку газу справакавала ўцечка з балончыка побач з уключанай плітой. Месца здарэння абследавалі спецыялісты, якія ўстанавілі ўрон, нанесены будынку. Апорныя канструкцыі дома не пашкоджаны, жыхарам дазволілі вярнуцца ў свае кватэры.
