Школьнікі а. г. Лучын, што пад Рагачовам, зрабілі копію гарпуна VII-II стст. да н. э. і пайшлі з ім на рыбалку
15:08 | 7 чэрвеня | 2024
Настаўніца распавяла, што іх паход скончыўся ўловам карпа 1,5 кг на гэты гарпун
У школе аграгарадка Лучын Рагачоўскага раёна адкрыўся незвычайны музейны пакой. Тут знаходзяцца экспанаты, сабраныя ў вёсцы і яе ваколіцах. Самы стары з іх датуецца каменным стагоддзем. Акрамя таго, у экспазіцыі можна ўбачыць рэчы, якімі мясцовыя жыхары карысталіся ў першыя гады пасля хрышчэння Русі. Унікальны музей наведалі нашы карэспандэнты.
