У Гомелі прайшоў мітынг-рэквіем, прысвечаны Міжнароднаму дню вызвалення вязняў фашысцкіх канцлагераў

Да брацкай магілы прыйшлі тыя, чыё дзяцінства перакрэсліла вайна, хто будаваў краіну ў пасляваенны час, і сучасная моладзь, ад якой залежыць будучыня Беларусі. У гады Вялікай Айчыннай вайны праз фашысцкія канцлагеры прайшлі 18 мільёнаў чалавек. Больш за палову з іх загінулі ад катаванняў, гвалту, працы, а таксама з-за знямогі ад медыцынскіх эксперыментаў.