Выстава да 130-годдзя заслужанага дзеяча мастацтваў БССР Льва Лейтмана адкрылася ў Палацы Румянцавых і Паскевічаў

Ён займаўся ў школе малявання і жывапісу Юдэля Пэна ў Віцебску. Потым выкладаў выяўленчае мастацтва ва ўстановах народнай адукацыі. Пасля вайны пераехаў у Мінск, дзе прыняў удзел у стварэнні мастацкай вучэльні. Пісаў у розных жанрах, адлюстроўваў прыроду, людзей, прадметы і паўсядзённы побыт. Перавагу аддаваў акварэлі і гуашы.

У зборы музея палацава-паркавага ансамбля знаходзяцца 30 графічных работ майстра, выкананых з 1953 па 1968 год. Гэта пейзажы гарадоў і вёсак, партрэты працоўных і жанравыя сцэны.

Лейтман унёс значны ўклад у фарміраванне нацыянальнай школы беларускага жывапісу, падрыхтаваў цэлую плеяду беларускіх мастакоў, такіх як Міхаіл Савіцкі, Май Данцыг, Віктар Грамыка, Віктар Пратасеня.

Выстава працуе да 14 красавіка.