З Мазыра ў круіз па Палессі адправіўся цеплаход «Белая Русь»
15:03 | 28 мая | 2024
Гэта адзіны ў краіне турыстычны цеплаход. На ваду яго спусцілі ў Пінску ў 2017 годзе
У 2024 годзе гэта ўжо сёмы круіз па Палессі. Майстры практычна шэсць гадоў працавалі над стварэннем гэтага пасажырскага трохпалубніка: тэхнічнае судна пераабсталявалі ў камфортны «гатэль на вадзе» з двума паверхамі кают і рэстаранам. Два «люксы» аформілі ў нацыянальным стылі – нумары названыя ў гонар беларускіх класікаў – Янкі Купалы і Якуба Коласа. Асноўная частка квіткоў на круізы ў гэтым сезоне ўжо выкупленая, большасць адпачывальнікаў – расейцы.
