Больш за ўсіх пацярпелі Гомельскі, Светлагорскі, Мазырскі, Калінкавіцкі і Брагінскі раёны. Даведаліся падрабязнасці аўторкавага ўрагану на Гомельшчыне
15:32 | 3 красавіка | 2024
У цэлым, стыхія абясточыла каля 200 населеных пунктаў
Зараз наступствы непагадзі аператыўна ліквідуюць супрацоўнікі МНС, камунальныя службы і энергетыкі. Парывы ветру дасягалі больш за 20 м/с, гэта стала прычынай падзення дрэў. Зарэгістравана больш за 20 выпадкаў. Падалі не толькі дрэвы. Як расказалі ў абласным упраўленні МНС, ветрам знесла рэкламны білборд у Калінкавічах, пашкодзіла чатыры дахі сельскагаспадарчых пабудоў у Калінкавіцкім і Брагінскім раёнах. Сярод людзей пацярпелых няма.
