На Гомельшчыне будучых праграмістаў рыхтуюць літаральна з дзіцячага садка

У дзяцей павінна быць і цікавае дзяцінства і добрая адукацыя, - упэўненыя мясцовыя педагогі. Вучоба і гульні - паняцці здавалася б несумяшчальныя, але ў Веткаўскім дашкольным цэнтры развіцця дзіцяці, гэтае пытанне, здаецца, вырашылі.

Зараз тут крыху больш за 100 выхаванцаў. 8 з іх-магчыма будучыя праграмісты. Хлопчыкі і дзяўчынкі займаюцца па спецыяльнай праграме. Так званую "Інфарматыку без разеткі" распрацавалі ў беларускім Парку высокіх тэхналогій, спецыяльна для 5 і 7-гадовых дашкалят.